Главная » 2012 » MAY » 4 » İki Kor
11:38
İki Kor
Xəstəxanada eyni palatada iki ağır xəstə yatırdı. Bunların birinin çarpayısı pəncərənin önündə, digəri isə qapının yanında idi. Qapının yanında yatan, bir gün pəncərənin önündə yatandan, çöldə nə gördüyü soruşur. İkinci xəstə, sanki canlanır:
-OOOO! – həvəslə ikinci xəstə səsləndi. – Mən heyvanlara, müxtəlif əşyalara bənzər buludlar görürəm səmada, çay görürəm, meşəlik görürəm.

Hər gün pəncərə önündə yatan xəstə digərinə pəncərədən çöldə nə baş verdiyini danışırdı. O, çayda balıq tutanlardan, əl-ələ tutub gəzən sevgililərdən, oynayan uşaqlardan danışırdı.
Qapının yanında yatan xəstə bütün bu nağıl kimi gözəlliklərə qulaq asır və öz özlüyündə fikirləşirdi: "Bu haqsızlıqdır. Niyə onu pəncərə qarşısında yatızdırırlar, məni isə bu cansıxıcı qapıya baxmağa vadar edirlər?!”

Günlərin bir günü, pəncərə önündə yatan xəstə, öskürməyə, boğulmağa başladı. Hər iki çarpayının başında, tibb bacılarını çağırmaq üçün zəng düyməsi var idi. Nə qədər etdisə, əlini zəngə uzada bilmədi. Qapının yanında yatan isə bu hadisəyə baxaraq, öz çarpayısının başındakı zəng düyməsinə əl belə uzatmadı. Pəncərə qarşısında yatan xəstə, boğazını tutub, boğuldu və öldü.
Rəhmətə gedənin palatadan çıxardanda, qapı qarşısında yatan xəstə tibb bacısından xahiş etdi ki, onun yerini pəncərə qarşısına keçirsinlər. Bu onun çoxdankı arzusu idi, elə bu səbəbdən o palata yoldaşı boğularkən çağırış düyməsini basmamışdı, köməyə heç kimi çağırmamışdı.

Ancaq… yerini pəncərə qarşısına keçirəndən sonra,o çölə boylandı. Hələ otaqdan çıxmayan tibb bacısına çox titrək səs ilə dedi.
- Axı bu necə ola bilər. Burada yatan, ölməmişdən qabaq mənə hər gün çöldə çay, meşəlik, buludlar gördüyünü deyirdi. Mən isə indi baxıram ki, pəncərədən baxanda xəstəxananın solğun divarlarından başqa heç nə görünmür! Bu necə ola bilərrrrrr?
Tibb bacısı başını bulayaraq:
- Sizin palata yoldaşınız heç nə görə bilməzdi. O kor idi!!!
Просмотров: 1340 | Добавил: DUYGU | Рейтинг: 0.0/0
Всего комментариев: 3
3 ayka  
0
kim heyati nece gormey issdeyirse ele de gorer...vacib deyil gormey isdeyen kor olsun,yada yox.yeterki bu heyatda en yaxshilarini gormeyi bacarasan... smile

2 vera  
0
Ay.bun ne hekayedir.çox tesirlendim

1 aynur_18  
0
maraqli hekaye idi...heyatda iki gozu gore gore ozunu kor hiss edenler var...kimisi oz dunyasinda gozellikler canlandirir,kimis de o qeder qelbi qara olur ki pislikden basqa elinden hecne gelmir

Добавлять комментарии могут только зарегистрированные пользователи.
[ Регистрация | Вход ]